Foirm Deonaigh PayPal
Tar éis duit an fhoirm seo a chur isteach, déanfar tú a atreorú chuig PayPal, agus ansin beidh tú in ann Deonaigh a thabhairt.
Aoine 18 Meán Fómhair 2020 ar a 8pm craolfar dráma nua raidió le Seán Ó Muireagáin ar Raidió Fáilte . Tá Sceithire bunaithe ar ghearrscéal as an chnuasach Gáire in Éag leis an údar céanna a d’fhoilsigh Éabhlóid in 2018.
Bhuaigh scéal ón leabhar Duais an Mhaolánaigh ag Comórtas Liteartha an Oireachtas, 2018. Dráma é Sceithire atá suite i mBéal Feirste le linn an tréimhse is measa den choimhlint sa tuaisceart ar dtugtar na Trioblóidí.
Scéal é faoi Sceithire a bhí ag sceitheadh eolais leis na húdarais Bhreatnacha agus faoin méid a tharla dó nuair a fuarthas amach faoi. Daoine as pobal na Gaeilge i mBéal Feirste a ghlacann ról na gcarachtar éagsúil sa dráma agus tá foireann mhór d’aisteoirí i gceist. Tá an feall, an tsaint, an sceon agus an choimhlint ag croílár an dráma corraitheach seo agus is cinnte go mbeidh éisteoirí sáinnithe ann.
Liosta Aisteoirí
J.J. Ó Dochartaigh
Naoise Ó Cairealláin
Liam Óg Ó hAnnaidh
Seanán Mac Aoidh
Pádraig Ó Tuairisc
Rosie Nic an Fhailigh
Caoimhe Ní Chathail
Edel Ní Churraoin
Cormac Buzz Ó Briain
Seán Ó Muireagáin
Tá an dráma scríofa agus léirithe ag Seán Ó Muireagáin agus léirithe ag Edel Ní Churraoin le tacaíocht Raidió Fáilte. Taifeadadh an dráma i Raidió Fáilte, 30 Sráid Dubhaise, Béal Feirste.
Imeacht é seo de chuid Oíche Chultúir 2020 le tacaíocht ó Oireachtas na Gaeilge. Buíochas le hEoghan Mac Giolla Bríde agus Éabhlóid as na híomhaí a sholáthar dúinn.